想飛的心情

各位評審，各位嘉賓，各位同學逐家好，我是第○號○○○
今仔日，我卜演講的題目是：
懷念的旅遊
佇我細漢到大漢，呣知逸陶過偌濟所在
呣管是禮拜時，抑是歇寒、歇熱
阿母攏會帶阮姊妹仔出去遊山玩水，阿母講天然的上好
若有機會著愛出去行行看看咧
吮一寡青尺的空氣
大自然的世界，有足濟先生無共咱教的物件
所以
若有歇睏的時陣，阿母著帶阮對台灣頭踅彳各台灣尾
南北二路阮攏行透透，呣但增長知識，佫較是一種享受
予我印象上深，上屆懷念的一擺旅行，是阿母當選模範警察
警察局招待伊去泰國旅行，阿母也帶阮去
茲是我頭一擺出國，嘛是阮頭一擺坐飛行機，飛行機一下仔就起飛
阮感覺家已著親像一隻鳥仔，飛佇咧天頂，自由自在的闊莽莽的天頂
目周所看著的一切，親像予我踏在於佇跤底咧
厝變徦細細間仔，就若親像番仔火殼仔咧，田園一區仔一區
就假若豆腐清蘢蘢
這個時陣，阮則知影家已親像古井水蛙仝款，原來世界有即爾大
阿母講出外溜溜秋秋，食兩蕊目目周
泰國佮咱攏是亞洲人，呣佫因的風格，佮咱無仝款食食嘛無相仝
佇泰國食物件較慣習，就是亻因 的料理，若呣是足酸兮著是足辣兮
食一頓飯，攏愛灌幾也杯茶
呣佫阿母講是合伊的口味
阿母講入鄉隨俗，入港隨灣罕罕仔出門一逝逐項攏愛試看覓咧
佇泰國阮嘛有學幾句仔佮的話，呣佫攏講勿會輪轉，若開喙，喙舌著扑結
阿母是聽徦笑瞇瞇，因見面不是講”食飽未”，來接阮的時陣見面著講”沙娃滴卡”
我是聽到霧霎霎，今也則知影亻因是咧共咱”相借問”。
泰國是信佛教的國家佮講諸夫因仔，若超過二十一歲，著愛剃頭做一擺和尚
有五工嘛有三個月，泰國人真尊重出家人，連亻因的皇帝嘛足尊重的
尤其是佮佇建設皇宮，廟宇攏是箍金佫包銀，金光閃閃，十分的氣派，嘛真價值
這是往過的人，留落來予的文化資產，離咱幾落个世紀也
人講去泰國著愛口林 椰子水，看半男娘表演甲騎大象
椰子水甜、好口林、俗大碗佫滿乾半男娘比諸查某囝仔又較媠
而若大象是比人佫較巧氣，挈錢予伊，佫會曉去買椰子水
也若玩水，阮上嗷看是卜死囝仔抑是狗咧爬，阮逐項攏總會
去泰國錢呣免開真濟，阿母講若有機會，卜佫帶阮去踅
這是阮上屆懷念的旅行，我的演講著講到茲，感謝逐家。